Equipa

Luz Verde non sería o mesmo sen a súa equipa, e é que. o mellor que pode facer alguén á hora de traballar é rodearse de persoas que brillan más que unha mesma!
Queremos que vós tamén brilledes e nós axudaremos a poñer esa luz.

El equipo de Luz Verde

Marita

Marita Martinez posúe unha mente brillante, unha voz doce que mece a quen a escoita con cada palabra e un dominio do escenario traballado durante máis de 20 anos. Mestra especialista en Audición e Linguaxe, actriz, monologuista, mestra de interpretación. Marita subirá o pano e oficiará a vosa cerimonia en castelán, galego e inglés.

Kasia

Kasia Chaber é a elegancia, a discreción e a dozura. Ela transmite a calma mellor ca ninguén nesta equipa. Filóloga, experta en loxística de grandes buques, levará a vosa cerimonia ao mellor porto. Kasia oficiará a vosa cerimonia en castelán, inglés, francés e polaco.

Zeltia

Zeltia Iglesias naceu sen medo escénico e cunha alegría contaxiosa. A súa Licenciatura en Maxisterio Infantil fai que teña unha paciencia fora deste mundo e unha man máxica para cerimonias nas que participen nenos e adultos que non queren deixar de selo. Zeltia será a vosa mestra de cerimonia en castelán e galego.

Lucía

Lucía Veiga ten unha presenza tan impoñente como tenra. Se hai alguén que saiba como usar a retranca para saír de calquera imprevisto, esa é ela. Os seus pes levan anos pisando escenarios e platós. Filóloga, monologuista, actriz, mestra de interpretación, presentadora e bailarina. Lucía oficiará de película a vosa cerimonia en castelán, galego e inglés.

Rocío

Rocío Vázquez no sería nada sen o resto da equipa. Comigo teredes tódalas reunións, escoitarei a vosa historia, acompañareivos no proceso e traballaremos no guión. Estarei feliz de oficiar a vosa cerimonia en castelán, galego, inglés, francés e italiano.

Ángela

Ángela Triana ten o don de sanar, xa sexa cas súas mans ou ca súa alma de escritora. Enfermeira, poetisa, guionista e monologuista. Ángela pode facer fronte as situación máis tensas sen que se lle altere o pulso. Ángela oficiará a vosa cerimonia en castelán e galego.